Anahîta Û Gemîvan ;Heft Tekstên Şanoyê (9786258383560)

Helket Îdrîs ‘Abid, şanoger, derhêner û lîstikvanê ji bajarê Dihokê ku bi salan e bi awayekî çalak li ser sehneyên şanoyê nimayîşan pêk tîne, bi berhema xwe ANAHÎTA Û GEMÎVAN (HEFT TEKSTÊN ŞANOYÊ) li pêşberî xwînerên kurdî ye. Ev berhem wekî berdewamiya sermiyana pexşana kurdî ya metnên nûjen û nemaze jî ya şanonameyan, dê ji bo mereqdarên qadê bibe berhemeke sûdmend û îlhambexş. Berhema ji heft şanonameyan pêk tê ku du jê melodrama ne, bi naveroka xwe dibe ayîneya karakterên xwe, jiyana civakî û polîtîk a kurdan. Herweha lêgerîn û hesreta karakteran a ji bo rabirdûyê, rabitaya wan a trawmatîk a ligel sînoran, bandora desthilatdariyê ya li ser layenên cuda yên jiyana civakî, rexneya hizrên paşverû û gelek babetên din bi şêwazeke xweser û têrmîzah a nivîskarî têne wegêran. Nivîskar hima bêje di temamiya metnan de wêneyekî civakî yê reşbîn, tawan û gunehên takekes û rayedaran bi kirasê realîzmeke efsûnî nîşanî me dide û derwazeyê rexneyê vekirî dihêle bo xwînerên xwe.

Kitap Adı:	Anahîta Û Gemîvan ;Heft Tekstên Şanoyê
Yazar:	Helket Îdrîs ‘Abid
Yayınevi:	Avesta Yayınları
Hamur Tipi:	Kitap Kağıdı
Sayfa Sayısı:	240
Ebat:	130-195-
İlk Baskı Yılı:	2023-11-22
Baskı Sayısı:	1
Dil:	Kürtçe
Barkod:	9786258383560