Bhagavad Gîta;Stranên Xwedê (9786052246948)

“Dema ku ez dikevim nav gumanan, dilteng û bêhêvî dibim û ez di asoyê de tu tîrêjên ronahiyê nabînim, ez berê xwe didim Bhagavad Gîtayê, li dû hevokekê dikevim ku min asûde bike û paşê pê re dikenim û xemgîniya min vedireve.” Mahatma Gandhi ”Mezinahiya Bhagavad Gîtayê di wê yekê de ye ku jiyana xweş û rast a felsefeya di nav dîn de aşkere dike.” Hermann Hesse “Bhagavad Gîta nîşana sîstematîk a geşbûna ruhanî ya mirovahiyê ye. Ev, kurteya herî aşkere û giştî ye. Lewra qîmeta wê ya berdewam ne tenê ji bo Hindistanê ji bo tevahiya mirovahiyê ye.” Aldous Huxley “Gîta di dinyayê de ji bo fêrkariyê mezintirîn çavkanî ye.” Arthur Schopenhauer Gîta ku bi zimanê sanskrîtî bi strankî hatiye nivisîn, ji 700 sutrayan (ayet) û 18 beşan pêk tê. Ew di warê zimanî û wêjeyî de gelek giranbiha ye. Her yek ji wan qala çendîn babet û rêyan dike ku ew hevdu temam dikin. Ew hemû jî di dawiyê de ber bi armancekê ve diçin ku ew jî gihiştina bi heqîqetê û azadiya mirov e. Lewra mebesta sereke ya Gîtayê azadbûna mirov e. Havîna 2008an wergêrê kitêbê bi grûbeke Navenda Yogayê ya Stenbolê re diçe Zanîngeha Vîvekanandayê ya li Hindistanê ku li bajarê Banglorê ye. Serokê zanîngehê H.R. Nagendra pir bi kêfxweşî pêşwaziya wan dike û bi bihîstina wergerandina Gîtayê li zimanê kurdî bi dilekî germ wiha dibêje: “We hay jê heye ku we karekî gelek mezin kiriye. We Gîta li zimanekî bêdewlet wergerandiye.”

Kitap Adı:	Bhagavad Gîta;Stranên Xwedê
Yazar:	Hasan Hüseyin Öztürk
Yayınevi:	Avesta Yayınları
Hamur Tipi:	Kitap Kağıdı
Sayfa Sayısı:	144
Ebat:	195-130-0
İlk Baskı Yılı:	2023-05-15
Baskı Sayısı:	1
Dil:	Türkçe
Barkod:	9786052246948