Mehelî û Kirmanckîya Înan (9786052298008)

Seba ke kirmanckî hema newe-newe akademî de cayê xo girewto zaf xebatan rê îhtîyacîya ma esta. Hema zî zaf fekanê kirmanckî ser o xebatî nêbîyê û nê fekî “nimite” mendê. Ma na xebata xo fekêkê kirmanckî yê “nimite”yî ser o kerde. Yanî fekê kirmancanê ke mabênê qezaya Çinarî ya Dîyarbekirî û qezaya Dêrike ya Mêrdînî de yê ser o, bi vatişêko bîn fekê kirmancanê derûdorê Qerejdaxî ser o. Nê kirmancî, derûdorê xo de bi nameyê eşîra xo “mehelî” yenê şinasnayîş. Heta nika eşîra înan û ziwanê înan ser o xebatî nêameyê kerdene û hayîya zaf kesan nê kirmancan ra çin a. Seba ke mehelî mabênê mintiqayanê kurmancan de yê û ê û kurmancî yewbînî reyde zewijîyenê, merdimî û embazî kenê lehçeya înan roje bi roje hîna zaf binê tesîrê kurmanckî de manena. Hetêk ra zî hem kirmanckî hem kurmanckî zaf leze tirkî ver de apey şinê. Ma na xebata xo de hem eşîra mehelîyan daye naskerdene hem zî ziwanê înan ser o vindetê û ziwanê înan ra çend tekstî pêşkêş kerdê.

Kitap Adı:	Mehelî û Kirmanckîya Înan
Yazar:	Pınar Yıldız
Yayınevi:	Vate Yayınları / Weşanxaneye Vateyî
Hamur Tipi:	Kitap Kağıdı
Ebat:	135-210-0
İlk Baskı Yılı:	2023-05-15
Dil:	Türkçe
Barkod:	9786052298008