Ezidxan (9786258305401)

Di navbera salên 2005-2016an da ez li ser projeya ‘Ezîdxan’ xebitîm û vê xebatê bi Almanî, Kurdî û Tirkî hate weşandin. Êzdî ew Kurdên nexuya ne ku 73 caran rastî qetlîamê hatine; gelek caran hatine qetilkirin, bedelên giran dane, hatine asîmîlekirin, tevî van hemûyan jî karîbûn baweriya xwe biparêzin. Lê hejmara wan ne diyar e. Encax mirov dikare xwe bispêre texmînan. Peyva Êzîdxan ji bo parçeya axa ku Êzdî lê dijîn tê bikaranîn. Gelên Rojhilata Navîn ku bi salan e bi hev re dijîn û ji aliyê erdnîgarî û çandî ve cîranên hev in, yan gelekî kêm hev du nas dikin yan jî ji hev bê hay dijîn. Tiştê ku tê zanîn bi piranî pêşdarazî, ramanên rûbirû û agahiyên ne temam in. Nebûna hestek rastîn a meraqê tenê yek ji wan sedeman e ku di vê nezelaliyê de jiyana jihevbêhay berdewam dike. Armanca me ya bi van wêneyên ku jiyana olî û civakî ya civaka Êzdiyên li Lalîş û Şengalê ku di hemû duayên xwe de ji Xweda ra bi gotina “Piştî alîkariya 72 miletan hîna ji me ra bibe alîkar” dest pê kirine, ev e ku li ser vê civakê zanînên kêm û çawt hindik be jî bi çêkirina meraqa rastîn bêne temamkirin û rastkirin.

Kitap Adı:	Ezidxan
Yazar:	Hüsamettin Bahçe
Yayınevi:	JJ Yayınları
Hamur Tipi:	Kitap Kağıdı
Sayfa Sayısı:	178
Ebat:	135-210-0
İlk Baskı Yılı:	2025-05-13
Baskı Sayısı:	1
Dil:	Kürtçe
Barkod:	9786258305401